بقلم : وحيد القرشي الغربة مش غربة وطن الغربة فقر وظلم وصوت خايف يقول الحق الغربة ممكن تكون وطن أنك تعيش جوه وطنك وسط ناسك ,وسط أهلك ,بس مكسور الجناح فاكرة يا أمي لما كنت بتقوليلي أوعي يا أبني في يوم تسيب وطنك وتعيش غريب أديني يا أمي عشت جنبك مش لاقي أكل والأ أضيع وألا أصرف علي العيال عارفة ليه ,الوطن أصبح غريب كل حاجة للغني والفقير أسمه مكتوب علي الورق جوه وطنه الغربة مش غربة وطن الغربة فقر وظلم وصوت خايف يقول الحق عايش حياتي بالسنين أصرخ وأقول أدوني حقي في الوطن علمتونا الشحاتة والمجاعة والتسول الشحاتة بره بلدي شئ شريف أنك تمد أيدك للغريب مش مهم الشحاتة جوه بلدي شئ خسيس أنك تمد أيدك لأبن بلدك يبقي عار خليتونا نمد أيدنا للغريب عمري ضاع جوه بلدي زي ما أنا الغربة مش غربة وطن الغربة وجع وألم وخوف من غدر الزمن الفقر والتسول والضياع في الشوارع والجلوس علي القهاوي حتي الوظيفة بقيت غريبة جوه وطني بقيت محالة علي الفقير كل حاجة للغني والفقير أسمه مكتوب علي الورق جوه وطنه أسم بس علي الورق , أصبح غريب جوه وطنه الغربة مش غربة وطن الغربة فقر وظلم وصوت خايف يقول الحق
